Plantun de Prouvènço

Pèr coumpara dos planto d'encò nostre

Lysimachia nummularia & Laserpitium gallicum

Erbo-dis-escut

Lysimachia nummularia

Primulaceae

Àutri noum : Erbo-di-cènt-malautié, Escapo-dai.

Noms en français : Herbe aux écus, Monnoyère.

Descripcioun :
L'erbo-dis-escut, planto rebaladisso, èi devengudo pulèu raro en Prouvènço. Trachis dins li prado, lis orle umide e li roubino. Se recounèis à si flour jauno e subretout à si fueio óupousado redouno que fan pensa à de peço de mounedo. La planto èi marcado sus listo roujo, categourìo LC valènt à dire soucit minour.

Usanço :
Dicho peréu despièi l'Age-Mejan erbo-di-cènt-malautié, a la reputacioun d'èstre uno planto proun vertuouso. Pamens fai de tèms qu'èi pu gaire emplegado. Ajudo à la cicatricacioun e sarié bono contro li moureno. Astringènto, saro li car e aurié de prouprieta emoustatico. Se preparo en decoucioun.

Port : Erbo
Taio : 2 à 5 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lysimachia
Famiho : Primulaceae

Ordre : Ericales

Coulour de la flour : Jauno
Petalo : 5
Ø (o loungour) flour : 1,5 à 2 cm
Flourido : Printems - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à Juliet

Liò : Prado - Isclo - Roubino - Orle
Estànci : Mesoumediterran à Mountagnard
Couroulougi : Éurasiatico
Ref. sc. : Lysimachia nummularia L., 1753

Engraisso-saumo

Laserpitium gallicum

Apiaceae Umbelliferae

Àutri noum : Angelicasso, Batouiro, Berlo.

Noms en français : Laser de France, Laser odorant.

Descripcioun :
L'engraisso-saumo es uno planto coumuno de colo e de mountagno que trachis dins li pendis roucaious, ensouleia e sus cauquié. Se recounèis à si fueio verdo, lusènto, sènso péu, 4 à 5 cop divisado e à sa cambo regado e pleno. Fai de grand brout (oumbello) de 20 à 50 rai emé de bratèio ciliado.

Usanço :
Li fueio, un pau duro mai perfumado, podon servi pèr assaboura. Parié que sarié bono pèr lucha contro lis ànci. Lucho peréu contro l'enflamacioun.

Port : Grando erbo
Taio : 30 à 80 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Laserpitium
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 7 à 18 cm
Flourido : Estiéu

Sòu : Ca
Autour basso e auto : 0 à 2300 m
Aparado : Noun
Juliet à avoust

Liò : Pendis roucaious - Pinèdo - Blachiero - Roucaio
Estànci : Mesoumediterran à Subaupen
Couroulougi : Ouroufito-Sud-Ouèst-Éuroupenco
Ref. sc. : Laserpitium gallicum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

CCC

Lysimachia nummularia & Laserpitium gallicum

ges

Coumpara Erbo-dis-escut emé uno autro planto

Coumpara Engraisso-saumo emé uno autro planto